尋味

营业中

休息中

今日又去剪头发，发现呢度新开左间食烤鱼、鸡煲同串烧等餐厅，咁就不如顺便食埋饭。餐厅有室内同室外，同家人或朋友聚会，坐室外几有气氛。烤鱼：有几款烤鱼拣，我哋叫左海鲈鱼，蒜香味道，小辣。鱼肉光滑，鲜甜，口感几坚韧。里面仲有莲藕、金菇、木耳同芽菜等配菜，另外我哋再加左唐生菜，入味爽口。烤鱼蒜香味浓，越食越辣，好惹味。再叫个饭，送饭一流！串烧：烧鸡中翼好香口，出左少少油，几好味。烤年榚口感几好，估唔到几好食，辣辣地。烤日本一口牛又唔会烧到太干，牛味重带少少肉汁，唔错。饮品：食咁多辣嘢同香口嘢，老公话要饮啤酒清吓热气。我就叫左杯百香果茶，大大杯，够冰冻，甜甜地几好饮。