最近喺旺角地鐵站附近食咗椰子雞
店內裝潢以木系為主 營造溫馨舒適環境
適合家庭聚餐或朋友聚會
招牌菜椰子雞系列選用文昌雞同新鮮椰青作為基底
🔸竹笙椰子雞
落單之後店員將泰國進口椰青即場開殼！
椰子水直接流入鍋 真係口水都流哂出嚟
店員隨手就將文昌雞放埋入鍋 然後計時
雞熟之後必須要飲啖湯 無比鮮甜
而文昌雞特點係唔會過多脂肪
飲多啖湯都唔會有膩嘅感覺
絕對係靚雞靚湯優質元素完美結合！
煮熟嘅雞肉亦非常鮮嫩
配埋青檸、沙姜等蘸料 口感層次豐富
整體性價比高 養生滋補嘅一大選擇！
🔹空中花園
以空中花園命名嘅食物拼盤
食材包括牛肉、各式菇菌、牛丸、蝦丸以及新鮮蔬菜
食材選用新鮮材料，配搭椰子雞湯就更加出色
🔸臘味煲仔飯
最中意煲仔飯嘅我又點會錯過臘味煲仔飯
臘腸、臘肉嘅油脂滲入米飯
飯粒做到粒粒分明 鍋底仲有飯焦 口感極佳
🔹百香果香橙水
兩款多汁嘅水果 味道清新口味酸甜適中
非常解渴
🚩 鳳園椰子雞
旺角鼓油街 36-42 號榮高大廈 G 層-2 層
