影片
更多
2025-08-23
0 浏览
餐廳位於大廈2樓，一出嚟已經感覺到好濃厚嘅印度氣息，一出𨋢已經聞到極濃郁嘅印度香料味🤣𨋢口有好多印度裝飾餐廳有電視不停咁播印度嘅歌舞片段，亦都有播印度音樂，牆上面仲有好多印度海報同插畫，同場仲有印度人同外國人幫襯，加上印度店員會周圍問客人意見，同人傾計，好有異國風情主菜我哋揀咗白腰果汁煮雞（Murgh Korma）同菠菜芝士（Saag Paneer），一濃一清重口味人士可以揀呢款雞，好重香料味，有啲辣辣哋，如果有白飯嘅話絕對可以撈晒嚟食；而口味比較清淡嘅人，就可以揀菠菜芝士，調味相對清淡好多，啲芝士都好大粒，就咁空口食都得Naan我哋叫咗兩份Naan嚟送主菜，而呢度嘅Naan有蒜蓉、牛油同原味可以揀，好大片，仲有幾隻味可以揀（私心推薦牛油味，超香）烤肉拼盤（Non Veg Kebab Platter）上菜果陣仲冒緊煙，記得要拎張紙巾保護自己件衫每款烤肉都好重香料味，種類同份量都偏多，適合大胃/一班朋友嚟食開心果雪糕呢個真係重點推薦！！佢有3款甜品可以揀，不過我哋就揀咗開心果雪糕（佢仲有芒果味可以揀）呢度嘅雪糕質地比較似雪葩，唔係平時食開嘅軟雪糕，特別在佢溶得好慢，但入口又唔會凍到牙痛食
餐廳有電視不停咁播印度嘅歌舞片段，亦都有播印度音樂，牆上面仲有好多印度海報同插畫，同場仲有印度人同外國人幫襯，加上印度店員會周圍問客人意見，同人傾計，好有異國風情
主菜
我哋揀咗白腰果汁煮雞（Murgh Korma）同菠菜芝士（Saag Paneer），一濃一清
重口味人士可以揀呢款雞，好重香料味，有啲辣辣哋，如果有白飯嘅話絕對可以撈晒嚟食；而口味比較清淡嘅人，就可以揀菠菜芝士，調味相對清淡好多，啲芝士都好大粒，就咁空口食都得
Naan
我哋叫咗兩份Naan嚟送主菜，而呢度嘅Naan有蒜蓉、牛油同原味可以揀，好大片，仲有幾隻味可以揀（私心推薦牛油味，超香）
烤肉拼盤（Non Veg Kebab Platter）
上菜果陣仲冒緊煙，記得要拎張紙巾保護自己件衫每款烤肉都好重香料味，種類同份量都偏多，適合大胃/一班朋友嚟食
開心果雪糕
呢個真係重點推薦！！
佢有3款甜品可以揀，不過我哋就揀咗開心果雪糕（佢仲有芒果味可以揀）
呢度嘅雪糕質地比較似雪葩，唔係平時食開嘅軟雪糕，特別在佢溶得好慢，但入口又唔會凍到牙痛食落好濃郁嘅開心果味，亦都可以食得出開心果嘅質地💕重點係佢嘅成份好簡單，店員話真係純粹得開心果同牛奶
飲品
呢度嘅飲品Menu係英文嚟，喺店員嘅介紹下我哋揀咗芒果乳酪（Mango Lassi）同薄荷青檸（Virgin Mojito）
芒果乳酪酸酸甜甜，飲落好滑順喉；薄荷青檸好清新，特別在最初飲嘅時候會飲到未溶嘅黑糖粒，建議可以撈完等陣先飲
张贴
