📖 偶然發現 Suzuno 屬於 "9號餐飲集團" ("ix") 旗下餐廳. "9號" 於2018 年成立, 其他餐廳包括 nathanhouse, 杦 (Ficus), 杣 (Yashima) 等等.
🥰 今訪坐L型壽司吧枱嘅角位, 鄧師傅一打九. 點咗12貫壽司套餐, $680+10%. 此前寫過食評, 今日簡單記錄.
🍀 前菜: 水菜沙律, 昆布煮, 蒸蛋.
1
🍣 櫻鯛. 魚味略淡. 調味嘅蔥同辣蘿蔔完勝!
縞鰺. 魚肉結實肥美.
金目鯛. 今日竟然影漏相!
間八. Ok.
白蝦. 今次鮮味番來了.
炸白蝦. 諗起 “皇太后”.
關鯖. 有一半魚料嘅口感係唔同嘅, 冇咁結實.
水八爪魚. 睇好過食.
甘海老. 好大隻, 鮮甜.
池魚. 正常.
平貝. 上次食唔到, 今日補番. 口感似帶子, 更爽身.
海老真丈. 香口, 彈牙, 冇得輸!
大拖羅. 正常發揮.
吞拿魚醬油漬. 一如預期咁好食.
吞拿魚茸手卷. 不俗.
玉子燒. 正常.
🥣 麵豉湯. 夠熱已經贏咗一半.
☕️ 熱咖啡. Ok.
🤗 總結: 用餐節奏舒服, 魚料食材優質. 師傅話今日海膽唔Ok, 所以冇安排俾我哋食. 數下數下, 今日食咗十二件壽司加多一件手卷, 塞翁失膽, 焉知非福. 我鍾意 Suzuno 午餐不設還枱時限, 這才是 “真.廚師發板”. 當然, 相對地要預留充足時間.
