渝味曉宇重慶老火鍋 (如心廣場) (已結業) 查看

好耐冇试过lunch去打边炉啦，见到呢度推出左午市汤底免费嘅优惠，系逢星期一至日嘅中午12点至五点都可以享用㗎！一嚟就比左碗冰糖雪耳糖水！之后叫咗个鸳鸯麻辣锅，其中一边系番茄汤，另一边就系麻辣汤底。蕃茄汤入边仲有啲金菇！麻辣汤底够晒辣！人少少嚟食，但呢度好多嘢都可以嗌半份，咁就唔怕食唔晒而且可以试多啲款式。嗌咗晓宇手打四宝丸，有猪肉丸、虾丸、墨鱼丸等等。仲嗌左黑豚腩肉、嫩牛肉。腩肉肥瘦均匀，唔会太肥！另外，都叫咗冬菇、冻豆腐、娃娃菜。功夫莴笋片食落好爽脆！一开始叫咗个晓宇苕粉，原来食落系类似宽粉。特色迷你燕饺都几特别，大家都可以嗌黎试下。仲叫咗半份鲜鹅肠。嘢饮方便就叫咗自制洛神花查，仲可以拣一渣渣咁叫，就比较抵饮。最后叫咗红糖糍粑作结，沾埋黄豆粉食真系好好味！