稻香超級漁港 (朗屏商場)

营业中

休息中

心血來潮來到朗屏稻香飲茶，原來午市有30蚊兩款點心套餐，假日要加多四蚊，不過呢個價錢嚟講都好平啦。⭐紅油抄手點咗紅油抄手，抄手本身幾好食，但上面冇乜紅油，相反醋就落多咗，食落去酸酸鹹鹹有啲怪。⭐炸雲吞炸雲吞幾正常，炸得好脆，醬汁酸酸甜甜好味喎。⭐炸韭菜餃大大隻又飽滿嘅韭菜餃，炸得香脆。⭐肉丸雞粥煲仔粥邊有三粒肉丸同兩件雞，粥綿滑，食落有雞味，都幾好食喎。⭐燒賣燒賣分三款口味，上面有黑松露、鮑魚同帶子，味道偏鹹，燒賣異常地細粒…⭐冬菇包最後仲有冬菇包，個外形真係幾似冬菇，入面包嘅餡係切碎嘅雜菌同黑松露醬，食落有菌香。兩個人點咗六個點心，計埋加一大概70蚊左右，幾平呀。