一如以往，星期一好少帶飯，剛剛見到呢間外賣店新派黎既menu，決定同班同事試試。12:00pm落order，怕太遲會好耐先黎，如常叫左4個餐，其中一個同事想少飯多菜，加錢無問題，點知我問佢可唔可以咁做，佢話唔得喎，咁我話加錢呢？佢話加錢就得
，咁我緊係要問下，咁你會點加菜法？！佢話："下？唔知架喎。"唔知？？咁你又話得？！算數，我同事話照叫。另外問油菜幾錢，佢話:"$18" $18？？？佢仲要冷笑，跟住話"係架啦....."又係同事話要，所以算數！
跟住講飲咩，我地要左3杯檸檬茶&水，問佢其中杯檸茶可否分開上，佢話要加$1！！！
又加？？分開上咋喎，佢話 : "因為會比多個盒去放幾片檸檬！"下？洗唔洗呀？！我叫佢用膠袋仔袋開咪得囉，咁應該唔洗收$1，個阿姐話係唔洗收我先叫。好啦，D野食黎到，無筷子，無匙，所謂加菜只係多左2條菜心(原本係幾塊娃娃菜)，收我成$3去加，離譜既係，佢話唔會收果$1都收埋，即刻打電話去講，點知呢個阿姐好似失憶咁，又話收我$1，因為比多個膠杯我，邊度有姐？？？由頭到尾得個袋仔，收我$1，咪賺多過D超市？？跟住有個好惡既男人搶電話聽，第一句話："你咩事架？"我話你地乜餐具都無比，話唔收既錢又收埋，你地咩事呀？佢跟住好大聲咁話："咪比左個膠杯你囉，唔洗錢呀？"跟住我火都黎埋："邊度有呀？！唔聽人講野，點做生意呀你地？？"，跟住佢話會叫人比返D筷子我，同埋退返$1比我，但係到宜家成5點，人影都無，如果我地真係等佢地D餐具食飯，應該餓死左。我即刻Black list 呢間外賣，因為除左服務，野都唔好食，邊有麻婆豆腐用黑椒整？？薯仔炆雞既薯仔又酸酸地先得架？？！好嬲呀！！
