泰國人海南雞 (已結業)

咁啱搭船黎左北角碼頭⛵️，行出黎就覺得好熱，行過兩條街見到呢間泰國菜門口果張海南雞既相，二話不說就入左去叫菜！叫左海南雞飯同豬手飯，因為係午市，送埋飲品，叫左杯凍檸茶同熱檸水，餐牌話+$12有油菜，就加左碟菜心，整體味道還可以。但係埋單時就覺得呢間服務差。之後再說。入面冷氣好大，好快吹凍啲食物，叫佢調細少少冷氣，但係話無得調，一係就熄左佢。去到最後埋單，個油菜計左$24，而唔係$12，佢話菜心係計$24，但餐牌無寫，落單同事又走黎話唔好意思，佢新黎唔知道，最後就話要計$24 就算。我都唔想同佢嘈了，但以後唔會再幫襯，環境同服務都差！