煌苑 (已結業)

先後見到兩位YouTuber 推介這間中菜廳的中午放題，價格相宜$108 已包加一及茶錢，所以去試吓。中午分兩個時段我們吃第一個時段11點開始（90分鐘）到門口已經見到有兩條人龍分別已訂位及Walk in的人在等候， 秩序非常良好。環境裝修華麗，枱布及用餐碗筷非常整潔乾淨，有部份冷盤是要出去counter攞，分別小黃瓜，陳醋木耳，胡麻涼拌秋葵， 醉香花雕雞翼及泰式酸辣鳳爪。 大家在等點心之前亦可以先享用前菜，節省時間。有部份點心需要出去自助區自取分別有陳皮牛肉球，蒸鳳爪，糯米卷，蠔皇叉燒包，千層糕及排骨陳村粉。每位有皇子乳鴿半隻，等大概約 10 分鐘之後我們點選的食物開始分批到來，而且不用催促更沒漏單情況， 我們覺得按這個價錢食物出品質素屬中上水平，已是超值，食材都很新鮮，賣相亦相當吸引。服務方面：全場滿座，但見各部門的員工亦相當忙碌，他們謹守崗位，已經忙到一頭煙，但仍很有禮貌解答我們的提問，用餐期間定時亦有店員來收拾碗碟，值得一👍讚各員工專業服務態度非常友善有禮。整體來說今次放題體驗感覺良好，用餐環境舒適，食物及服務質素，用餐時間配合得妥當，唔會趕頭趕命。