更多
2024-05-02
124 浏览
创意特色蒸/炸烧卖,有辣,有唔辣,猪肉或者鱼肉,仲有唔同嘅餐选择配搭。细细碟,每碟都有八粒。日式大阪鱼肉烧卖个皮少少炸,几有创意。食落好似章鱼小丸子嘅感觉,但系其实入面系鱼肉烧卖。比起食章鱼小丸子口感更加好,因为入面呢佢系比较硬身少少嘅烧卖,唔系软淋淋嘅章鱼丸,我觉得将成个口感升华咗。经典鱼肉烧卖细细粒,爽口少少弹牙,啱晒啲lady。除咗普通嘅豉油之外,仲有少少葱花。另外佢可以自己落芫荽及其它配料。秘制猪肉烧卖猪肉口感自然同鱼肉烧卖唔同,口感呢亦都比较软身啲,酱汁系自己秘制,有少少蒜蓉粒,香口惹味。跟餐厅可以有冻柜入面嘅一啲特色饮品,有好多唔同味道嘅有汽梳打水,啱晒同啲小食一齐食,夏天天气热就好清凉。我就叫咗两支梳打水:泰国胜狮梳打水韩国青苹果梳打
创意特色蒸/炸烧卖,有辣,有唔辣,猪肉或者鱼肉,仲有唔同嘅餐选择配搭。
细细碟,每碟都有八粒。
日式大阪鱼肉烧卖
个皮少少炸,几有创意。食落好似章鱼小丸子嘅感觉,但系其实入面系鱼肉烧卖。比起食章鱼小丸子口感更加好,因为入面呢佢系比较硬身少少嘅烧卖,唔系软淋淋嘅章鱼丸,我觉得将成个口感升华咗。
经典鱼肉烧卖
细细粒,爽口少少弹牙,啱晒啲lady。除咗普通嘅豉油之外,仲有少少葱花。另外佢可以自己落芫荽及其它配料。
秘制猪肉烧卖
猪肉口感自然同鱼肉烧卖唔同,口感呢亦都比较软身啲,酱汁系自己秘制,有少少蒜蓉粒,香口惹味。
跟餐厅可以有冻柜入面嘅一啲特色饮品,有好多唔同味道嘅有汽梳打水,啱晒同啲小食一齐食,夏天天气热就好清凉。
我就叫咗两支梳打水:
泰国胜狮梳打水
韩国青苹果梳打
张贴