東海堂 (港鐵火炭站)

营业中

休息中

由於今日有兩個好朋友生日，所以我們就約埋喺其中一個朋友屋企食晚飯慶祝！而我們就喺附近火炭站嘅「東海堂」買蛋糕慶祝！我們買咗兩個新款蛋糕，分別係蛋糕皇室·奶茶蛋糕同北海道牛乳·芝士蛋糕！皇室·奶茶蛋糕嘅賣相雖然比較簡約同普通，但食落嘅感覺就好唔同，因第一啖食落去就有好香濃奶茶香味嘅奶凍，至於中間就係幼滑軟綿嘅奶茶慕絲，而且夾咗層散發著淡淡清幽茶葉香味嘅紅茶啫喱，再夾埋最底層嘅榛子杏仁脆脆同紅茶味蛋糕，真係奶茶迷嘅必食之選！北海道3.6牛乳·芝士蛋糕嘅味道比平日食開嘅芝士蛋糕清香，雖然芝士嘅味道好香濃，但就算食多一兩件都唔會有好膩嘅感覺，色澤係淡淡嘅奶白色，質感相當軟滑，而且頂層舖滿香脆薄身嘅白朱古力片！