牛奶冰室 (白石角商場)

营业中

休息中

鄰居們對呢一間茶餐廳有唔同嘅睇法，又真係未試過去出邊其他分店。打完波就過嚟試吓佢㗎早餐。先唔好評論佢係唔係預製菜，但係估唔到係有驚喜嘅。鄰居share咗個熱香餅嘅糖漿俾我抹丹麥酥，呢個係將整件丹麥酥究極邪惡化，又幾match。至於我份早餐，放棄咗食沙嗲牛亦都冇令我失望。個煎蛋燶邊相當出色個底完全係夠脆。餐肉都估佢唔到原來係厚切，邪惡大滿足。塊雞扒咬落去都好多汁，又唔算炸得太乾。佢跟餐可以嗌個細通粉加辣油過下癮。雖然冇比較過其他分店，但係呢間確實幾好食。