休閒茶座 (已結業)

其實同主題無關，只係咁啱今日係農曆新年大年初四。初四都係公眾假期，所以都係休息日，所以一清早7:00已去左車公廟祈求今年全香港人都健健康康、疫情早日退散🙏🏻。咁求完神都要醫下肚既，我地好日都唔會到呢間～休閒茶座，因為平時都好多人，有行山者、單車友、街坊.....😣今日可能早，見到有空位就入去試下（對上一次食好似係3、4年前😅）呢度叫得休閒茶座，咁緊係同普通茶餐廳有分別，因為係村屋地下果層做生意，咁座位又唔使局限一定在室內，能夠食早餐又望到又接觸到室外，其實都幾relax。我叫左H餐：吉列魚柳+火腿炒蛋🥚跟方包🥪，熱奶茶（$36）；老公叫左F餐：香炸雞翼公仔麵🍜配煎蛋🍳，凍檸茶（$38）。味道無乜特別，應有的味道都有，但店員話今日係農曆新年，所以每個餐要另+$8其實新年溜溜，明既，加一加二加三，係十幾年前真係一個潮流😑，但時至今日亦加上上年全世界都咁困難時，你係初四都要每個餐加$8（亦即係大約加二）我就覺得有點🤔，咁當然我地都無即時拍檯走人，幾蚊咪當大家開心囉🙄總結係唔係大時大節黎食係無問題既。