泰泰

营业中

休息中

今次捐窿捐罅，嚟到佐敦大街小巷嘅特色泰国餐厅，餐厅所有菜式都好有泰国风味，餐厅环境亦都好有泰国风情，成个饮食体验都比喺泰国更加好食。人均大约$400左右，今次系为咗庆祝生日嘅晚饭。我哋叫咗嘅泰国金边粉、椰子海鲜炒饭都非常惹味。我哋都特别欣赏鸡饭，鸡又多肉又嫩滑，个个都赞不绝口，而沙律就有啲辣。我自己就饮咗杯芒果沙冰，估唔到佢沙冰唔会一粒粒冰饮到落口，而系同芒果汁融合得好好，非常好饮。泰国生虾旁边嘅炸虾头都估唔到一样咁好食，而且好有虾味仲有少少虾膏喺入面。小食拼盘每一样虽然都好油腻，但系味道真系唔错。最后就系餐厅精心摆碟嘅芒果糯米饭，作为一个生日甜品，佢上面嘅笑哈哈布置真系非常可爱。