HOPA House (已結業)

呢間野開咗一年左右，平時堂食有好多人，而家疫情關係叫乜外賣嘅人都唔少，啲人都係叫海南雞飯。今次叫咗海南雞喇沙同埋海南雞飯，有時呢間餐廳個喇沙會換下個餸，今次咁啱係海南雞。
佢個飯唔係一般嘅黃姜飯或油飯，首先佢係用咗珍珠米，佢係有加啲香料落去，可能有加埋啲雞入去煮個飯，總之同出面嘅好唔同，又唔會太膩，嚟到一定要試。

另外要講下佢個海南雞，雞好滑，加埋佢有三款醬，薑油，豉油，辣醬，我自己比較鍾意點豉油同辣醬同時食，大家可以試吓。
喇沙凍咗冇咁好食，大家都係堂食好啲。