豆漿大王

营业中

休息中

豆浆大王系一间比较平民嘅米芝莲小店，作为上海面馆，佢最出名嘅一定系粢饭。新蒲岗应该先系本店，依家淘大有分店就方便好多了。平民化嘅价钱，都有几多选择，上海面/饭餐、小笼包、银丝卷、红油抄手等等，一众上海小食一应俱全。咸粢饭糯米烟韧，少黏唔会松散，油炸鬼有口感够松脆，配埋肉松同榨菜，有层次，配搭一流。👍🏻另外配上粢饭嘅好拍档：咸豆浆，大大碗够足料，食完好饱肚😂主食方面叫咗脆香鸡扒饭，鸡扒炸得酥脆，香口惹味，而且分量大，性价比高，令人喜出望外。👏🏻小食叫咗红油抄手，分量足但味道一般。饮品方面奶茶系樽仔装，典型港式奶茶味道，茶味浓，唔错唔错👍🏻现今百物腾贵，系大商场中都重有平民价钱嘅出色小店，值得一试。