Coast Coffee

营业中

休息中

潮流興咖啡店，但係咖啡既水準可以好參差。路經附近，行到攰攰地想坐低抖下，於是入嚟試下佢既咖啡。店員好有心機咁介紹各種手沖豆既選擇。 喺店員介紹之下，揀咗一隻經過發酵有椰子味既豆做手沖。大概十分鐘後咖啡沖好。 上枱既時候一壺、一杯之外，仲有一小杯磨咗既咖啡豆。 飲開咖啡都會知，咖啡豆磨開，啱啱衝出嚟水溫最熱，同隨住時間水溫慢慢變涼，咖啡既味道都會不斷轉化。多一小杯磨開既咖啡豆，一個小小既動作，就令到對呢隻咖啡豆既體驗更加完整。 而咖啡一如店員介紹，有一種好特別既椰子香味。 喜歡獨特口味既值得一試。另外，各種食物既外觀都好吸引，望落應該都相當有水準。