Cafe Zentro (已結業)

我已經黎過三次。呢度枱唔多，我次次都訂定位，因為一full 起上黎，就會冇位。次次我都一定會點招牌芝士薯條！個芝士醬好好味，個醬唔夠，可以request個姐姐比多一份芝士醬！yummy~~~好味道呀！另外老闆推介既心太軟！一切開，啲朱古力湧出黎，加埋Ice-cream食，好正！！個次老闆仲加左呢個煙花效果，好鬼靚唷！！Pasta就唔會失望，有啲地方好難食既，但呢度好好味！次次都清晒！之前未黎之前，睇呢度食評有啲擔心，好多時都係會因為睇左食評而唔去or 會有左偏見，但so far黎食左三次，次次都好滿意，而且啲staff 都好nice，有咩要求都會即刻應左你！我諗某啲食評係個別/主觀意見吧！我試過個pasta 汁唔夠，同老闆講，佢即刻幫我整返多汁啲！好好人。 我會再黎食唷~~~~~