影片
更多
2013-03-10
28 浏览
好耐冇帮衬过佢, 一来人多, 二来服务一般, 但已经食匀成个第一城, 成日重复食果几间, 食到有少少闷, 所以今餐又返嚟试试, 睇下有冇改善............估唔到系冷气依旧太冻, 服务依旧麻麻, 不过如果间唔中嚟食下, 都尚可接受的~~唔知系咪太耐冇嚟食, 突然觉得佢好多选择, 花多眼乱, 最后决定食中菜, 但又要响中菜的十几款𩠌入面再选, 真系有少少伤脑筋................谂完食乜都冇用, d伙计唔知去哂边, 想揾个人落单都冇, 见到有人, 佢又扮睇你唔到, 终于有个肯嚟写嘢, 但都等咗几分钟, 一间小小茶餐厅啫, 唔系咁都冇人呀? 青红萝卜汤开头都唔知系乜汤, 但一碗只有红萝卜, 一碗只有青萝卜, 所以夹埋一齐就系青红萝卜汤喇~~ 味道唔算太浓, 但都叫做OK, 如果冇落味精的话......... 瑶柱粉丝杂菜煲热辣辣的, 上枱时仲喳喳声, 仲以为好大煲, 但原来个煲仔好浅, 只装到2旧西兰花, 几片椰菜, 少少粉丝, 碎到差D睇唔到的瑶柱, 2棵得1/4梱的小棠菜, 几条仔翠肉瓜, 咪以为好多料, 其实全部细细件..............个汤仲有少少腥味,
唔知系咪太耐冇嚟食, 突然觉得佢好多选择, 花多眼乱, 最后决定食中菜, 但又要响中菜的十几款𩠌入面再选, 真系有少少伤脑筋................谂完食乜都冇用, d伙计唔知去哂边, 想揾个人落单都冇, 见到有人, 佢又扮睇你唔到, 终于有个肯嚟写嘢, 但都等咗几分钟, 一间小小茶餐厅啫, 唔系咁都冇人呀?
青红萝卜汤
开头都唔知系乜汤, 但一碗只有红萝卜, 一碗只有青萝卜, 所以夹埋一齐就系青红萝卜汤喇~~ 味道唔算太浓, 但都叫做OK, 如果冇落味精的话.........瑶柱粉丝杂菜煲
热辣辣的, 上枱时仲喳喳声, 仲以为好大煲, 但原来个煲仔好浅, 只装到2旧西兰花, 几片椰菜, 少少粉丝, 碎到差D睇唔到的瑶柱, 2棵得1/4梱的小棠菜, 几条仔翠肉瓜, 咪以为好多料, 其实全部细细件..............个汤仲有少少腥味, 好似海鲜汤/鱼汤咁..............菠萝咕噜斑球
虽然斑球个皮已经唔脆, 但你唔会想掉咗佢, 因为都唔系好厚, 又唔算一pet嘢, 而鱼肉的肉质唔够实净, 不过雪鱼系咁架喇~~ 最钟意就系佢够多菠萝, d汁捞饭就最正~~腐竹鸡蛋糖水
送的, 所以冇得选择, 我觉得太甜, 而且d腐竹煲得唔够烂, 唔系好出味, 又唔够香, 一般.............食完个饭, 跟住叫佢上个是日糖水, 咁佢真系走去净系落单上个糖水, 但我地张枱满哂碗碗碟碟, 而且全部清哂场, 但佢都可以当睇唔到, 唔会主动帮我地执枱, 搞到我地要自己执空面前个位, 起码够放1碗糖水先............到上咗糖水, 出奇地佢有执枱, 但只系执走少少, 唔系完全执走哂, 真系比佢激死.............
张贴
