快活谷餐廳 (已結業)

咁大個仔第一次去跑馬地 又係第一次去食私房菜 懷着既興奮又新奇的心情去食 由於一早訂咗枱 加上又怕盪失路o既關係 六點半都未夠便去到 不過一落車唔係好識路 加上佢位置喺條後巷入面 相當難搵 入到去後我哋係第一枱客 入面枱數不多 我諗有八至十張枱啦 燈光偏黃 都算坐得舒服 佢哋招乎亦算好 斟茶同換碟都好快 首先係菜乾煲豬肺 都幾好飲 但唔明點解d湯有渣 唔係湯渣喎 可能係煲到d豬肺溶哂啩 之係係馬拉盞通菜 我鍾意食通菜梗係好食啦 再來半隻沙薑雞 雞肉鮮嫩 不過太多沙薑汁淋上面 如果唔淋會好食d 因為d汁太鹹 最係來個滑蛋海鮮炒米 材料豐富 有鮮魷 蝦 肉片 同草菇 這個好好食 但米粉過少 而且d滑蛋獻夠淘多兩碗飯 如果少d索哂入d米粉度仲正 總括來說係好食 二人埋單都係$190