今日兩位友人與我補祝生日兼聖誕，由於價錢要較相宜，所以再次黎呢度睇下老闆上次應承話會改menu有無下文啦..岩就一試啦~
我地早兩日訂位，問下有咩特別野食，老闆推介左三款菜式...其中一個係我都幾鍾意既漢堡扒拼煙肉薯蓉，佢話平時無得食架..見我咁捧場就專登比我試下...結果都無咩令我失望...係厚身的漢堡扒，肉質都算juicy..
另外兩位友人就食蜜糖楓葉雞扒拼煙肉新薯同白汁海鮮意粉...雞扒好大塊...都幾滑同塊皮好脆...甜甜地都幾好食...; 另一個意粉就都算有幾多海鮮，不過我地都嫌個汁淡左少少..唔夠味..so far都ok既滿意...
飲品友人都係叫d普通野...所以唔講啦..我就比老闆推介左飲杯熱的佛手柑茶，有個英文名架, 不過唔記得左...都幾特別既感覺..
今次再上去真係食野同上次飲野好唔同，環境已經裝修過同有聖誕裝飾，餐廳變得較為簡潔不花巧，聽聞d傢俬年尾都會換...我諗應該會再舒服d...不過因為佢地唔夠人手，所以今次等d野食都等得幾耐...好彩我地三個百無聊賴係咁傾計同影下相咋...但個肚就餓到....
