Tozzo (已結業)

為咗個忌廉包而去試，本身呢個位有啲偏，上手betwee都唔做就知呢個位難做，所以都預咗唔需要等位。一坐低店員就照叫我哋睇枱上面一張instruction嘅卡紙，簡單啫係講就係叫你自己顧掂自己，唔好叫佢。食物方面，lasagna 正常，但極快整好，唔覺得係即刻整，朋友叫意粉，反而等得耐d，味道有d淡。 沙律係跟餐的，但朋友個沙律係連埋意粉先一齊送到，而我果個沙律就係當店員發現漏左我果份先再攞返比我。咖啡黎講，正常味道，唔係精品咖啡但都唔係capsule，還可以。最後，就係忌廉包，外貌一流，味道好有奶味，如果唔睇價錢絕對係好食。