兩人套餐 $416
芝士焗蘑菇
蘑菇一共有五粒，表面釀咗舊芝士，蘑菇咬落去係會爆汁嘅，帶有菇菌類獨特嘅香味，再配上鹹香嘅芝士，兩種味道配合得好好
皇家瑪嘉麗塔皇后薄餅+$48
加錢叫咗一款60週年嘅皇家瑪嘉麗塔皇后薄餅，用上輕盈嘅餅皮，加埋蒜蓉、蕃茄醬、馬蘇裡拉芝士為基底嘅醬汁，仲有羅勒葉、巴馬臣芝士，組成呢個經典口味嘅薄餅，薄餅中間仲有一整塊嘅軟心芝士，切開有明顯奶香，加埋薄餅一齊食口感濕潤又不失清新
蘑菇燴長通粉
素食嘅意粉之一，加入大量芝士同埋蘑菇，烤焗後芝士香味明顯，長通粉味道可口，熱食嘅時候芝士會拉絲添
1
焗麵包球配朱古力榛子醬
一共有六個焗麵包球，表面灑上糖霜，麵包口感鬆軟，配上香濃嘅朱古力榛子醬，滋味無比
熱情果味氣泡茶
氣泡茶都係60週年嘅飲品，係由一間來自香港嘅品牌--閣樓釀造製成，嘗試將英式嘅品茶文化融入地道嘅香港風味，氣泡茶+薄荷+熱情果入口清爽，值得一試
8
