麥當勞 (富麗商場)

营业中

休息中

不嬲麥當勞嘅好處就係夠快，唔係點會叫做快餐店？不過呢間就出名慢，每次入去買嘢食，無論幾點都好，就算係凌晨兩三點，都一定會超多客喺度等緊。唔係因為佢生意真係好好，而係啲人嘅手腳真係好慢。而且最重要嘅就係，嗰個顯示牌係壞嘅，次次顯示牌上面寫咗自己個Number，去到又話未整好，真係好麻煩。同埋好多時候買外賣返屋企，都會執漏或者執錯一樣半樣嘢，又唔想落嚟拎返，唯有就咁算。同埋冇一次食佢嘅薯條，明明咁多盒，都好似唔係新鮮出爐咁，而且份量又少，真係好差。如果唔係呢度附近得呢間麥當勞，我諗真係唔會有人再去食。