寶記車仔麵 (已結業)

想講呢間真係我人生中食過最有誠意嘅一間車仔麵。我嚟呢間車仔麵舖買過好多次外賣，每次我都會睇住老細/店員好認真咁處理每一碗麵，包括「不」餸、裝袋等，每一個細節都好用心。有一次嗌河粉，明明冇+$1分湯，但店員主動幫我分咗湯，因為河粉好索湯嘅關係；嗌罐裝飲品店員裝袋時會盡量平衡兩邊嘅重量，避免拎返公司途中湯會倒瀉；每次「不」餸時老細都唔係求其「不」一羹落去，而係會睇清楚份量，唔會時多時少；食物嘅質素當然好反映到佢地對每一碗麵嘅高要求，米線夠滑、豬腸牛肚夠入味、菜心新鮮唔老、魚皮會用另一個袋分裝，所以材料嘅份量適中，唔會覺得店家好孤寒，性價比極高。希望店家繼續keep到呢個水準，我會繼續幫襯👍🏻