彩逸軒酒家 (裝修中)

今日又到飲食沙漠：兆康站做嘢。本來同拍檔諗住食麥記。但突然見到有人排隊，於是去睇吓發生咩事。原來呢度有間酒樓嘅，仲啱啱兩點有下午茶時間。拍檔同我好少飲茶，但喺呢個飲食沙漠之地；冇嘢選擇之下都入去睇睇。間酒樓叫做彩逸軒，下午茶時間大中小點19.8!我哋叫咗一個叉燒飯；四個點心。包括：蒸牛肉、粉果、鴨腳扎同埋韭菜豬紅。估唔到下午茶時間全場滿座；有啲公公婆婆表演國技,食物質素可以，樓面服務亦佳，唯獨收銀，黑口黑面， 多謝都冇句。埋單兩個人$136。