留家廚房

营业中

休息中

同朋友庆祝生日，去咗呢度。叫咗5个小菜，全部都充满惊喜。叉烧：即叫即烧，叫嘅时候就要叫佢整定啦，如果唔系你会发觉差唔多食到甜品先至可以上个叉烧😂叉烧半肥瘦，个味道亦都唔会好似出面𠮶啲，剩系得个甜字，呢个好值得推荐。烟熏鸡：呢个系招牌菜，订位嘅时候要留的，如果唔系就未必有得食。只鸡好有烟熏味，亦都做得好滑，系水准之作。墨鱼汁蒸肉饼：呢个组合好特别，相信冇乜地方可以食到。但系我觉得呢个系值得食嘅，因为个肉饼好弹牙亦都好鲜味。辣味冬瓜：呢一个系全餐饭里面最有惊喜嘅菜式，我菜式个卖相好平凡，但系又估佢唔到辣辣地嘅冬瓜原来系咁新奇好味。姜葱焗蚝：呢个菜色唔系好多花巧嘢，但系睇得出师傅手势真系非常之好，因为佢比出面一般嘅都好食好多，因为啲蚝煎得好金黄好香好好食。