四季甜品-外賣王

营业中

休息中

今日元朗遊，原來元朗真係好多好野食！呢間四季甜品真係超級有驚喜，招牌都寫住係酒店師傅主理，而且價錢親民！我地叫左奶凍楊枝甘露、芒果拿破崙同埋鮮雜果樂園！奶凍楊枝甘露超足料，柚子唔會苦、芒果好甜！個奶凍好出色，係自家制架，而且仲有雲呢拿籽，誠意十足，口感滑溜，奶味香濃！芒果拿破崙好特別，好少糖水舖有得食！鬆脆嘅拿破崙夾上厚身芒果肉，拿破崙牛油味香，芒果啖啖肉唔會有渣，仲好甜，另外仲會加上煉奶，呢個配搭冇得輸！最後鮮雜果樂園，用嘅全部都係新鮮水果，絕無罐頭水果，由西瓜、哈密瓜、藍莓、士多啤梨、菠蘿、椰果等等，真心正呀