興記豆漿 (已結業)

今早返工前，買咗兩個砵仔糕，十蚊兩個，砵仔糕，我兒時嘅回憶…

細個嗰陣時，肥媽成日喺街邊小販檔買俾我食！我最鍾意多紅豆，望住對方用竹籤一篤一撩遞俾我，我一邊拖住肥媽隻手，一邊拎住舊糕，開開心心咬落去！

興記喺荃灣好多年，最出名豆腐花，肥媽以前成日買芝麻糊加豆腐花俾我，細妹宜家亦晚晚幫襯一碗凍豆花，十蚊一碗，唔食唔安樂！

講返砵仔糕，應該係新鮮做起，但唔太熱，只微暖！我拎咗返中心做午餐，甜度算適中，唔太甜，但size細個咗，豆亦比以前少，質感比較黏！

整體嚟講，冇以前咁好味，感覺退步了！