風月堂 (已結業)

本来一心系想去南记既，但系去到无位，而我又只得一个钟时间食饭，所以友人就提议行上一层食风月堂。入到去睇个午餐menu，最平都要$98加一，过百蚊食个lunch，在我而言实在太奢侈，不过既然都坐低左就试下吧，心谂唔系伏就好了。最后叫左个榄油三文鱼砚肉天使面$98餐汤同沙律二选一，我拣左沙律，虽然价钱偏贵，但系个餐真系好丰富！首先黎左个牛油餐包，可惜唔系暖粒粒，只不过系普通面包无咩特别。沙律就有两只虾同少少芒果肉，食落就唔似新鲜芒果，不过配埋芥末蜜糖，整体都算不错。轮到主菜天使面，有点意外既系份量颇多，三文鱼一啲都唔腥，仲有好多蘑菇同蚬肉，而且唔算太油又好开胃😋友人叫左个烧春鸡徳国肠配薯菜，薯角好香脆，唔会又油又林，鸡肉唔粗糙又唔硬，配黑椒汁绝对好食！至于肠仔就同平时食的一样，不过不失。食完个主菜其实已经好饱，但系个餐仲有个雪糕窝夫。虽然系跟餐既甜品，但绝对唔马虎！雪糕我拣左豆腐味，豆味好香，食一淡已经爱上了。不得不赞个窝夫，外脆内软，好香牛油味，配上雪糕简直一流，饱都想食都几个😆顺带一提，餐饮叫左杯杂果宾治个人觉得味道麻麻，但友人就觉得好好饮，但口味既野因人而异，不妨试试🙆🏻