更多
2018-09-23
231 浏览
人和豆品店位于街市中间, 好明显系做街坊生意, 店铺装修十分怀旧估计间铺都有番咁上下历史。 如果来旅游参观下街市再睇下呢间嘢都算系几有特色, 铺面仲有卖豆腐豆腐卜同埋芽菜 , 两边墙上面层架放满腐乳 。我哋食咗一个冻豆腐花九蚊唔算超贵但系都唔系特别平, 个豆腐花算系好滑 冇乜其他怪味。 算系标准传统古早味。 黄糖自己落多甜少甜自己控制, 另外食咗个饺子佢入面用椰菜做, 但系入面嘅肉就应该算系份量比较少,都几特别都煎得好香, 饺子反而唔算好贵10蚊4件。 两样嘢加埋食咗19蚊 如果旅游呢纯粹试下都算系好抵不过要经过一个比较污糟嘅湿货街市。 佢哋另外有一个比较传统嘅做法就系用双手 处理 豆腐,但系同时又用番𠮶双手收钱 过程中唔使洗手抹手。
张贴