西龍傳香飯糰智能售賣機 (已結業)

今日去咗佛教醫院探朋友仔，探完病之後見有啲肚餓，所以就去咗醫院裏面嘅便利店買嘢食，諗住買飯糰食，點知已經賣哂，咁啱喺便利店對出見到呢部自助售賣機。售賣機都有幾多類型食品提供，除咗有飯糰外，仲有自家飲品、粥品、高纖零食等等，不過今次主要想食飯糰，其他留返下次先再試。台式肉燥紅米飯糰 ($17.9) : 估唔到飯糰熱辣辣，而且更用密實袋包住相當衛生，飯糰幾足料之餘味道亦唔差，加上價錢同便利店差唔多，以後食飯糰又有多一個選擇。