媽媽廚房 (已結業)

係朋友介紹下係媽媽廚房吃左一餐清淡而美味嘅午餐。環境寬敞，樓底非常高，光線充足，同一個賣書（畫冊）嘅小區相連，感覺非常適合一家大小到來。文青都好啱，飲杯嘢，清靜咁可以坐一個下午。食物用料新鮮，菜式新穎。細心打聽發現菜式少鹽，用天然調味料煮。仲設有不少全素/奶蛋素菜。當日吃左一個用十殼飯整嘅壽司，口感豐富。黑毛豬同鹽麴整嘅雞扒飯，非常好吃，睇得出用簡單嘅調味已經可以帶出肉味嘅鮮。另外韓式湯底嘅豆腐面唔會太咸，用料豐富。肉醬意粉唔會好油膩，面質彈牙。奇亞籽麻薯窩夫睇個名已經好吸引，想吃甜品但又唔想太甜嘅依個會你你心水。如果一家大小/朋友仔幾個靜靜地聚腳，平時吃太多重口味菜，轉一轉口味，依間係唔錯嘅選擇。地點方便又就腳，地鐵站一出行3分鐘就到。