中華草本茶集 (已結業)

事隔多时，再度帮衬 <中华草本茶集> ！ 记得上次老板娘推介仙草鲜奶俾我！ 今次专程走嚟一试！估唔到几个月无帮衬，连老板娘都认得我呀！仲话认得我件衫！劲呀！ 可能系 7:00 左右关系，所以只得佢一个！我仲问佢好好记性那个男店员系咪放假？原来真系放假！几惊佢无做呀！我帮衬咁多间台式奶茶店，只得佢认得我之余，仲记得我饮咩！仙草鲜奶 $16 (中杯装)1 分钟就有，等得算快！ 听闻「仙草」系仙人所赐嘅奇草，英文译名为 Herbal Jelly ，亦系台湾著名小食之一；仙草冻系将仙草汁冷却，去暑意之余亦带来凉意！卖相好似凉粉咁啡黑色，味道比较凉粉容易入口！仙草甘苦略带甜味！质感好似稀汪汪嘅 Jelly ；腍腍地！滑溜溜！一啜即跣入喉咙。 不过，被鲜奶味盖过！饮哂成杯真系好饱！