NOC Coffee Co.

营业中

休息中

黄埔呢间noc去过好多次，空间感充足，装修舒服光猛，单边望海，好近红磡码头，交通方便。健康鸡bowl有好多配料，用新鲜车厘茄，香甜南瓜粒，七味粉溏心蛋，软滑牛油果，清爽无花果，再配上烧鸡肉，排列整齐，加上一大堆沙律菜垫底，面头再洒上黑白芝麻，色彩丰富吸引，用料新鲜，大大一盘，有营养又好味。仲送一碟两片干面包，包你饱。另外仲有牛肉bowl，但烧鸡bowl比较香同吸引。朋友order 斋all day breakfast， 同样大堆头，包括香煎薯饼，谷物乳酪，香甜小南瓜，惹味啡菇， 炒滑蛋，软滑牛油果，清爽无花果，新鲜露笋同埋沙律菜，色彩一样丰富又好味。饮品点咗dirty，fizzpresso，手冲咖啡同埋冷泡茶。*餐厅无实体餐牌，要用qr code落单，店员亦唔会俾杯水你**假日如果唔想排队，就要早少少食brunch（10：30am前），晏咗好多人要排好长龙（佢无得攞飞等位/订位）。