達人包車 (裝修中)

餐厅有最低消费-每张枱$400（星期日夜晚去），但冇喺门口当眼位置标明，menu都冇写，落单前店员亦冇提醒。两个人叫左一个辣炒猪肉饭同一个杂菜炒粉丝，直到上左菜，先有店员走黎讲餐厅有最低消费！后来发现只系贴左张A4纸喺一边墙作提示，餐厅环境昏暗，顾客未必会见到！餐厅应该一早提醒顾客有最低消费，畀顾客考虑清楚。我地问店员A：最低消费系咪已经包埋10%服务费，佢话系。于是我地叫多两杯嘢饮，又畀店员B话仲系未够数，结果我地又要再改单，到底店员之间有冇沟通好呢？由于最低消费系按枱计，即使每人叫左一个主食都唔够数，就焗住叫多个芝士泡菜煎饼，最后根本食唔晒要拎走。对餐厅唔老实嘅表现感到非常失望！食到一肚气！唔会再帮衬。