百芳池上便當 (上水廣場)

营业中

休息中

簡簡單單嘅台式便當星期日晏晝做完gym無所事事，行吓上水見有間餐廳風格幾簡約，周圍仲有好多綠色植物，主打台式便當，未食過就入去試吓，見佢哋全港都唔少分店。叫咗個百芳滷雞扒便當，滷水雞扒都整得幾入味幾多汁，味道偏咸少少，不過不失，而配料有粟米粒、粉絲、菜脯、半隻滷水蛋同蔬菜，其中菜脯比較出色，咸咸香香，送飯幾好，便當睇落唔大，但食落都幾飽。跟餐叫咗杯珍珠奶茶，微糖，同台式飲品店一樣可以選擇甜度，適合追求健康嘅你，珍珠都幾彈牙，但價錢略貴。