更多
2015-09-20
2289 浏览
工作辛苦梗系要对自己好d啦，食餐开心又满足既慰劳自己系好正确㗎 (笑)。呢晚约左朋友去食No.5 Italian，拣左大坑店，感觉上冇cwb店咁多人。我地7:30到达，竟然冇人㖞 LOL，心谂太好啦，冇咁嘈。店内装修好cozy，播住好多耳熟能详既英文歌，好舒服啊！不过冷气有d冻，好彩我有带件外套仔咋。Order完后先黎少少面包，黑色果块我估系墨鱼汁味，配埋黑松露牛油，香到你唔信，面包亦好软熟，唔错唔错。饮品我地叫左Lychee & Peach soda，我中意Lychee多d， Peach个味好假，哈哈！前菜叫左煎带子配露笋酱，哗...带子厚肉又鲜甜，每咬一口都有回弹既感觉，煎得够哂金黄香口，加埋d黑椒令沈睡既味觉即时苏醒。旁边有d似青豆蓉既野，好香豆味，入口仍有少少细细既豆粒，增加口感。仲有黑毛猪多士，一定要点呢个，我个人极之欣赏，咸香度10足既黑毛猪，加埋布满牛油香气既脆脆多士，简直系perfect match，真心推荐。另外较为普通既前菜有蒜片炒大虾配意大利肠，虾肉爽弹，加埋d蒜片令虾肉更香口，意大利肠有点少辣，很醒神开胃喔！好多食评话一定要试海胆面配白松露忌廉汁，呢个combi
Order完后先黎少少面包，黑色果块我估系墨鱼汁味，配埋黑松露牛油，香到你唔信，面包亦好软熟，唔错唔错。
饮品我地叫左Lychee & Peach soda，我中意Lychee多d， Peach个味好假，哈哈！
前菜叫左煎带子配露笋酱，哗...带子厚肉又鲜甜，每咬一口都有回弹既感觉，煎得够哂金黄香口，加埋d黑椒令沈睡既味觉即时苏醒。旁边有d似青豆蓉既野，好香豆味，入口仍有少少细细既豆粒，增加口感。
仲有黑毛猪多士，一定要点呢个，我个人极之欣赏，咸香度10足既黑毛猪，加埋布满牛油香气既脆脆多士，简直系perfect match，真心推荐。
另外较为普通既前菜有蒜片炒大虾配意大利肠，虾肉爽弹，加埋d蒜片令虾肉更香口，意大利肠有点少辣，很醒神开胃喔！
好多食评话一定要试海胆面配白松露忌廉汁，呢个combination又真系特别得黎又出奇地夹㖞，手做意面质地似意大利云吞皮，白松露忌廉汁香滑到真系停唔到口，加上海胆口感软软又鲜甜，真系几好味啰，份量看似少，但饱腹感都劲架。
Pizza方面叫左Johnny's style, 馅料有parma ham，火箭菜，白松露油，蕃茄酱，水牛芝士。最中意正宗意大利pizza, 薄薄脆脆的食左唔觉好饱，以呢个parma ham既咸香，我估有18 个月或以上，虽然有白松露汁，但未见突出，应该俾parma ham抢左 (笑)。虽然2个人食，叫左咁多野，但真系好好味，坐得舒服气氛又好，搞到食欲大增，饿鬼上身咁，全部order既野都俾我地K.O.哂，好满足好开心，下次会再黎食过，赞。
张贴
