一遊

营业中

休息中

同朋友好耐無見，大家又好鍾情食日式野，於是帶左佢地去我其中一間飯堂，因為呢間餐廳保持到食物一貫嘅高水準，而且環境舒適，大家可以好放鬆咁傾偈。⭐海苔芝士海膽卷呢個啱晒做前菜，海苔脆卜卜，包住芝士同埋流心海膽，雖然係邪惡咗少少，但係真係好好食😋。⭐白鯛薄切刺身啲鯛魚片片都晶瑩剔透，配埋個酸汁，即刻將魚嘅鮮味提升咗，一睇就知師傅刀工唔簡單👍。⭐海膽吞拿魚壽司吞拿魚同海膽嘅組合真係無得輸，入口即化，仲夾咗啲香蔥同芝麻，令到口感更加豐富🤤。⭐東洋卷我勁鍾意呢個東洋卷，出面好少地方有得食！用薄餅包住肥美嘅鰻魚、牛油果同埋卜卜脆嘅飛魚子，再加埋沙律醬一齊食，正呀👍！⭐燒物我哋叫咗好多嘢，有燒牛舌、燒豚肉蘆筍、燒雞肉明太子、燒羊架，仲有汁燒原隻日本魷魚。佢哋嘅燒物一向都好高質，唔洗我多講，啲朋友食完都話我介紹得好。⭐薄煎日本蠔配雜菇呢個又係另一道出色嘅菜式！啲蠔用薄煎嘅方法，一啖咬落去，又鮮甜又多汁又香脆，真係令人覺得好幸福🥰。⭐手打稻庭烏冬最後我哋叫咗呢度嘅招牌菜之一，手打稻庭烏冬，嚟個perfect ending。師傅仲好細心咁將啲配料放喺碟邊，等我可以自己DIY，啱晒我口味👍。