今次選了"阿修羅"，全因圖裡的叉燒很吸引
阿修羅拉麵基本上很簡單，分別在於辣、唔辣、有冇蛋、幾多叉燒，所以不怕選擇困難症發作。
這次單點了小辣湯底，足料叉燒及一隻蛋($98)。小辣對於我呢啲鍾意辣味但又唔食得辣既人嚟講可以話啱啱好。猪骨湯底味道剛剛好，唔算太咸。蛋就同其他鋪味道差唔多(味付玉子都係食佢個質地架啦)。主角叉燒有陣陣炭燒味，係我以前食拉麵未試過有既，值得一讚。美中不足係瘦位比較乾，有啲難咬。
整體上覺得呢個價錢算合理。
除單點外，更有一人、二人前套餐，但由於小弟食量有限，未有深究套餐餐牌。
題外話，由於即叫即整，全場都派部機，起菜震你去攞，唔洗企到腳軟。另外入門口俾張點菜咭你，靠佢點菜，食完靠佢埋單，唔好唔見呀！
