普慶餐廳

营业中

休息中

午市自助餐，下午3:15分至5:15分，地方很大，但張枱太細，想放多碟都有困難。食物選擇多，服務員態度好，執碟亦快。食物方面，對比其他自助餐，這間都有唔少出色嘅地方。必食之選，當然是燒味及海南雞，肉質超嫩多汁。另外，用碎冰託碗底，再將刺身放在上面，十分有誠意。蝦蒸荷葉飯亦做得出面，蝦米夠香，鮮蝦亦爽口，飯亦唔會爛，值得推介。其他食物就唔算突出，其推介的麵包蟹，味道一般，食得比較麻煩，我寧願食長腳蟹多些。臨走前，巳見食市將晚市用嘅生蠔及長腳蟹預備好，其長腳蟹腳比想象中細條。價格方面，今次享買一送一優惠，眼見唔少客人都用此優惠。若冇此優惠，就唔係太抵啦。