潮觀城酒樓

之前都幫襯過幾次，午市晚市都食過。
蝦餃皮好薄都值得推薦。豬肺湯好清甜，豬肺洗得好乾淨。午市晚市都有送功夫茶都好飲。
幾樣炸嘢都好出色，包括黃金茄柳，椒鹽鮮魷，椒鹽九肚魚，火候控制得好好。咁多樣炸嘢，碟碟唔使墊油紙個碟底都冇油，今時今日真係唔常見。
仲要有服務，好多時酒樓都係第一輪先會幫客人裝湯，佢幫我地裝足咁多碗咁多輪，服務超出我一般想去酒樓嘅期望。