大旗嶺樂園‧燒烤‧火鍋 (已結業)

3月8日, 我地一大班朋友慶祝婦女節(搵籍口 ). 咁我就提議去元朗大旗嶺BBQ+打邊爐. 朋友一聽見BBQ, 仲可以打邊爐. 已經好想去. 我仲要話比大家知係一個價錢任飲任食又打埋邊爐. 都係$158. ($108 + $20假日+ $30轉為冇限時).個個都話正 . 咁我當然即刻BOOK 位啦. 當天去到, 大家出去攞嘢食. 個個都哇哇聲. 因為有好多選擇. 都唔知拎邊樣先. 有三文魚頭, 原條秋刀魚, 大大粒台灣魚蛋. 又有雞軟骨. 打邊爐嘅仲有好少會提供嘅魚卜同埋墨魚嘴. 仲有BBQ+打邊爐必有食物 . 而且食物味道好. 飲品有10多款比你揀. LIKE埋FACEBOOK仲有啤酒送 . 我班朋友都話我冇介紹錯. 最後我地由下午2:00食到晚上8:00. 個個捧住個肚走 . 講完食物, 仲要讃嘅就係個厠所. 超乾淨, 夠闊落 . 仲有職員又有禮貌 . 個個都攞定咭片下次同屋企人去.