一開始上到黎就已經見到曬d食物,證明d野食選擇得好少!!我上到黎,牙妹同姑姐已經食緊野!!我坐低抖左一陣先開始拎野食!!
一坐低送左個湯同幾片三文魚 :個湯好香南瓜味
拎左 : 青口,都幾好食!!所以我一再encore,total食左成十幾隻!!平時牙妹唔食既,都覺得ok
生蝦又係encore item,不過唔係成補反,所以一有果陣都拎定幾隻!!一開始我有d驚驚地唔敢,因為驚肚痛,但係點知食落又覺得好好味!!而且都冇肚痛!!
冬陰公湯,好多蝦係入面!!食得出有其他味,但係個煲入面又咩材料都冇(除左"姑"+ 蝦)
蕃茄湯,好似屋企果d咁!!真係出奇地好飲
魚肉好鞋好老,食左dd就冇要喇
咖哩蟹,冇鉗都唔知點食!!而且凍既
豬頸肉冇咩醃料味,好乾身!!!但食落都有驚喜
d壽司都唔錯,不過選擇太少!!d紫菜脆身的,所以都有驚喜
蠔冇咩醃既味但係就好香蠔味,好乾淨!!但係好細隻!!
雞翼都唔似係泰國野,但係d汁就好正,但係就乾身左d
金邊粉好淋,好難食
甜品: 椰汁西米糕,有芋頸有西米!都唔錯
芒果布甸加埋椰漿,好滑
雪條都好正(西瓜味最好),條雪條棒係筷子黎!!
我都唔明佢明明有野去整熱緊d野食,仲好大水蒸氣,但係樣樣野食都唔熱既!!
始終都係中意平時果d放題多d,e個價錢係其他地方已經食到好多野喇!!好唔抵牙!!諗反起都肉赤!!
佢e個價錢,買2送1會值d!!因為野食款又唔係多,行多幾轉都好厭
