餃子屋

营业中

休息中

装修过嘅饺子屋铺面大左啲，但人流一样咁旺，咩时间都人山人海；饺子分6、8只，以6只为例，汤饺定价$32-40；煎饺就定价$36，加上海面或米线$8，整体比装修前都系加左少少，合理范围，皆因佢地嘅饺特别大只，一只等如别家两倍，十分饱肚，性价比高云耳白菜猪肉饺 $32/6只汤底可选鱼胶淮山煲猪骨或重庆汤底，强调无味精。汤底有少少胶质，热辣辣；我平时连例汤都饮清光，所以一定会饮哂，食饺子有一半原因系为汤。饺子巨型，皮唔厚，够滑溜无粉，馅料爆棚，菜肉半半。白菜饺依然系我至爱，保留菜茎，食落特别爽肉馅调味重手，咬落仲爆汁，食完6粒已经好饱。香辣猪肉煎饺 $36/6只煎饺油是常识，外皮都煎到几脆，呢款辣猪肉真系有少少咸，所以6只就啱啱好。饺子屋大件夹抵食，但饺偏重口味，唔能够日日食，间中黎一次就好满足。