更多
2024-04-25
232 浏览
📍大喜屋真系次次去亲都爆场,今期仲新出咗唔少嘢食,晚市时段做紧$288/位,依家Häagen-Dazs雪糕仲可以任食!即刻点咗几款菜式,法式红酒蓝莓鹅肝粒入口软滑,再加埋酸酸甜甜嘅蓝莓酱食落唔会油腻。海胆三色挞造型够晒吸睛,个挞原来系用紫菜整,未嚟到𠮶阵仲惊真系用挞皮会好滞添,用紫菜就食多几件都得。烟鹅胸鹅肝多士个底就用咗蒜蓉味多士,中间加埋烟鹅胸多咗层咸香味更加好食。金蒜炭烧广岛蚝用咗炸蒜同蒜蓉,食落好香口不过就唔够咸味。最惊喜系今期新出咗蟹肉蟹粉拌面,面底用咗稻庭乌冬,挂汁好creamy。同埋佢嘅珍珠奶茶都系任饮,仲几贴心倒得7成满,等我哋唔会嘥又可以试埋其他嘢饮。
张贴