Riso SEGRETO (已結業)

野食唔太差，不過不失，價錢亦都算幾便，但服務態度太唔掂，舉手要menu或者叫野食，d侍應即刻dup低頭扮望唔到，一係就背住你，一係就迴避你眼神，想點姐好黑人憎，侍應既工作就係幫人落單嘛，份內工作都唔肯去做不如唔好做呢行啦講番野食，叫左個二人set下午茶餐，仲跟餐有兩杯野飲媽媽對呢杯咖啡讚口不絕，咖啡要加$3有兩塊蒜蓉牛油薄餅，4隻雞翼，3片蜜糖腸，薯角，下午茶黎講都ok既到臨走個陣見到有個女人又係舉極手d侍應又扮望唔到，我望到火都黎，俾錢個陣都忍唔住同佢地講個邊個位女士舉左成10分鐘有多你地都無人理佢，個侍應即刻好似忍唔住咁喪笑話係咩，我而家即刻過去呀～哇，d服務好到呢，唔憂做咁