捌壹公館 (已結業)

香港四周都有cafe，有時候都唔知點樣選擇先好，所以有時候一個特別嘅店名，就令我選擇咗佢🙊🙊🙊原本係抱住一個試伏嘅心態去，因為我沒有先睇咗網上評論再試，所以都唔知依間餐廳嘅質素如何

佢整體嘅風格都係行工業風，光線比較暗少少，如果嚟打卡的話，建議坐窗邊嘅位置多少少

食物款式都好多

雖然鋪頭唔大，但係食物種類都唔少，唔擔心同人食飯，唔同人有唔同口味嘅麻煩

味道偏淡，嘴唇除咗一開始第一啖食會有明顯嘅麻感外，之後都沒有

$130

麻香海鮮扁意粉 $130 推薦指數🗯️：🌟🌟🌟

因為一開始冇睇網上啲圖片，所以以為佢嘅麻香應該係那種蒜香意粉嗰種乾身，但估唔到佢係用青醬；佢整體份量都多，一個人食的話一定夠飽

海鮮份量都多，蝦肉食落爽口彈牙，一啲都唔淋身，細細粒嘅帶子食落唔會好難咬，唔會好似食緊橡皮糖咁

味道方面，麻香就唔係好突出，比較似食普通嘅青醬意粉，而且食得多會覺得有啲滯

炒到好香好惹味，不過粉皮食落質感似紅薯粉

$124

濃香 X.O醬炒雞絲粉皮 $124
推薦指數🗯️：🌟🌟🌟🌟

依個雞絲粉皮同我哋平時食開嘅雞絲粉皮唔同，除咗因為係用XO醬去炒之外，佢嘅粉皮同我哋平時食嘅都唔同，似係紅薯粉嗰種有少少煙韌嘅感覺，而且都比較厚身，但都好吸味，一食落口，每條粉皮都充滿X.O醬

其他配料冇頭先扁意粉咁豐富，但係吸收晒X.O 醬嘅味，所以食落好惹味，同埋層次豐富啲

黑芝麻味好淡，而且飲落好重顆粒感

$38

鮮奶黑芝麻 $38 推薦指數🗯️：🌟🌟

飲落唔算好重黑芝麻味，奶味比較明顯，而且顆粒感都幾明顯，不過飲完好有飽腹感

油炸鬼炸到炸口，配上雪糕一齊食，外脆內軟😋

$68

超脆油炸鬼配芒果汁及雪糕 $68
推薦指數🗯️：🌟🌟🌟🌟

平時食油炸鬼都係配白粥，但係估唔到油炸鬼配雪糕也好適合，油炸鬼外面好脆，裏面啲雪糕又軟滑，不不單止食落外脆內軟，更有冰火二重奏嘅感覺


整體來講，味道環境都唔錯，值得一試⭐️

以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。