湯底有分兩種：
🥣濃湯原味- 嚴選西班牙產地嘅優質豚骨，再配合天然食材煮沸超過12個鐘而成
🥣清湯原味- 都係西班牙產地優質豚骨配合天然食材長時間慢火熱製，清湯湯底帶出日本傳統嘅淡麗風味
人氣拉麵 $98
叉燒、紫菜、粟米、蔥、味荀、味付雞蛋
當然係揀本店人氣之選嘅濃湯！湯底係結合咗秘製醬油帶嚟濃厚豚骨白湯，味道唔太鹹，但食得出好多骨膠原，拉麵煮得啱啱好唔會太腍或太硬！
叉燒拉麵 $98
兩倍叉燒、 蔥、味荀、味付雞蛋
鍾意食肉嘅朋友，可以揀呢一款！叉燒切得較薄，但係份量都多！流心蛋都做得唔錯！本身都入味！
