Plato Cafe & Bistro (吳松街)

营业中

休息中

喺尖沙咀附近行完街同朋友食夜晚，见到依间Plato入面都几多人，同埋个二人餐都好似好抵食。二人套餐嘅选择都有好多，我同朋友前菜就叫咗烟三文鱼凯撒沙律，餐汤喺甘笋汤。主食就叫咗波士顿龙虾龙虾汁意大利饭，同埋澳洲肉眼牛扒，仲包两杯饮品，我哋拣咗水果冰茶，食完之后仲有甜品拣，蛋糕同埋Movenpick雪糕，我哋就拣咗朱古力雪糕。头先佢个前菜沙律性价比高，冇谂过咁大兜，沙律嘅配菜都有好多，同埋好重芝士粉。主食个波士顿龙虾龙虾汁意大利饭，只龙虾都整得好食，肉质嫩，有膏，唔错。另外个龙虾汁都鲜甜，唔会太腻，意大利饭嘅份量亦都足够。朋友嘅澳洲肉眼牛扒都处理得几好，见佢剪得好嫩口，配菜个焗薯都几好食，整体嚟讲唔错。